Home » Uncategorized » Facebook in sardu

Facebook in sardu

facebook

Foto presa da: http://www.sardegnalive.net/it/news/facebook-in-sardu-un-progetto-per-rendere-il-sardo-lingua-social

Insandus, seus lompendi a fai su facebook in sardu. Est sintzillu meda 😉

1. Ant pesau una truma po chistionai de is problemas

https://www.facebook.com/groups/465949150221026/

Is problemas funt is de diora, agatai sa “mediatzioni” aintru su sardu setentrionali-centrali e su sardu meridionali. Sa genti bolit agatai fueddus e frasias chi podint andai beni po totus. Craru ca custu no fait semperi. Ant sceberau: “m’agradat”, perou a bortas ti bessit “mi praxit” o ateru. Si pigat s’imperativu po no tenni problemas cun is coniugatzionis … faer, imbecis de fairi o fagher… e sighendi diaici.

Perou est craru ca frasias longas pigant s’arruga de su susu o de su basciu de sa Sardinnia. Calincunu furriat in d-una pseudomesania e aterus si creint ca depeus imperai aterus grafemas strollicus chi funt atesu de su chi eus semperi imperau. Allegas e arrexonadas chi a bortas no portant a setiu, ateras chi funt bonas.

2. Sa genti podit ponni is fueddus e is frasias in d-una APP. Inguni si votat. Donnia unu podit ponni propostas e donnia unu podit eligi. Custu fait unu carraxu poita ca no totus ant cumprendiu cumenti si scrit in sardu, ponint cosa ca no fait a mantenni e dda votant puru. Un ateru problema est ca genti meda no conoscit beni s’ingresu e bortat mali.

Parrit democraticu perou no ddu est. Donnia unu podit cumbidai amigus po votai su chi bolit issu etotu. Meda genti tenit duus o treis perfilus de Facebook, aterus tenint prus tempus e funt votendi totu sa dii. Aterus funt faendi cruxis aundi cherrint po fai bebeli. Duncas, su chi parrit “democraticu”, no ddu est meda.

http://www.adweek.com/socialtimes/now-you-can-help-translate-facebook-into-any-language/211758

3. Una cosa no dd’apu cumprendiu finsas a imoi. Cantu tempus abarrat e candu unu fueddu o una frasia est “votada po semperi?”

Po dda serrai, depu perou nai ca mi praxit chi si fait e chi no ddu faint “espertus” o genti de cudd’ala o de s’atera. In s’inghitzu nascit unu casinu mannu, eja… e forsis calincuna bortadura est diaderus legia, cumenti: “essi-nche”, po lassai su Facebook. Mancai eus nau ca iat a essi mellus a ponni “essida”, ancora no dd’ant cambiau.

Eus a biri. Mi creu ca seus faendi cosa bona. Aberri donnia dii su facebook in sardu, mancai no siat perfetu e spartinai sa boxi est de importu. Pruschetotu mi pensu ca est bonu po is giovanus e po megai a tenni unu pagu su sardu che “lingua normali”.

Tocat a sighiri e essi democraticus. Chi bolit biri su Facebook in sardu o agiudai a ddu furriai, innoi su link (mi speru ca no siat sballiau):

https://www.facebook.com/?sk=translations

 

Advertisements

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...