Home » Uncategorized » S’arroliada de Giancarlo Labate

S’arroliada de Giancarlo Labate

Ita podeus fairi in is tempus de crisi?

20131006_160311

Podeus ponni sa conca in s’anea o mellorai su mundu.

Giancarlo Labate at scioberau sa segundu cosa. Tenit 43 annus, est psicologu e est de Carbonia.

Issu at fatu una cosa bella meda, unu biaxixeddu in sa terra sua e nosa, in Sardinnia.

Unu testimongiu, po fai biri a totus ca no depeus abarrai cun is manus in is buxacas.

Donnia unu podit fai calincuna cosixedda. Puru sena dinai e sceti cun sa boluntadi.

Giancarlo at tzerriau una pariga de amigus e at fatu su giru de sa Sardinnia, in crapitas de rodixeddas, in doixi diis.

S’at fatu 70 chilometrus donnia dii, 900 chilometrus in suma.

At inghitzau su binticincu de capidanni in Calasetta e est lompiu su seis de ladamini a Carbonia.

Poita dd’at fatu? Una metafora cun su sport.

Sa frasia de importu mannu est stetia: “S’agiudu siat torrau”.

20131006_161702

Is sardus ant agiudau a sa trumixedda de Giancarlo e a issu etotu, traballendi impari. Famillas, comunis, assotzius e biddas.

Giancarlo e is amigus ant drumiu e papau sena dinai in donnia logu aundi funt passaus.

Gratzias a totus chi ant cretiu in issus e in su progetu:

“Un progetto di proposta, non un progetto di protesta”, ddu at pensau.

Podit essi s’inghitzu de fai biri a totu su mundu cantu est bella sa Sardinnia, sa naturalesa, is traditzionis, s’energia, su spiritu e su stimu po sa terra nosa, narrendi meda cosas sena fueddus, sceti faendi diaderus calincuna cosixedda, movindi-si:

“Un viaggio del dire facendo”, difatis.

Su chi bisongiat in custu momentu in is domus sardas est una cosa positiva.

Calincunu chi fait, calincunu chi si movit, calincunu chi tenit su bisu de unu tempus benidori mellus po sa genti nosa.

T’agradessiu, Giancarlo e a totus chi t’ant agiudau.

20131006_165231

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...