Home » Letteratura sarda e italiana » Puligas mentalis

Puligas mentalis

medien_schule

Eriseru seu stetia in d-unu atobiu apitzu de sa lingua sarda.

Ant fueddau de is media de comunicatzioni, teniat su titulu

“In chirca de unu ‘mèdia’ “,

craru, fatu in su nomine de sa Regioni Autonoma de sa Sardinnia, presentada de is Baronis de sa lingua sarda.

Po ita seu scriendi cussa nota? Est sceti cumenti deu apu biu sa cosa. Craru ca est una bisione pitica. No vivo in Sardinnia e no potzu conosci totu su traballu chi si fait, perou puru po custu potzu biri is cosas cun aterus ogus.

Cali funt stetias is criticas prus mannas (po su chi apu cumprendiu deu) ?

1. Su problema est chi no nci est dinai po fai is programas in lingua sarda e po pagai is giornalistas de manera cumenti depit essi. Nci funt semperi sceti cussus bandus a tempus e candu s’acabant, sa genti abarrat inguni cun una cosa fortzis bene fata e ddos tocat a dda serrai e circai aterus finantziamentus.

2. Po fairi sa radio, sa televisioni e ateras cosas in sardu nci bisongiant arregulas craras po misurai sa calidadi linguistica e curturali de is programas. No donnia unu ddu podit fairi custu traballu. Nci bolit una conoscentzia de sa lingua e de sa curtura sarda.

Duncas, pensu ca is giornalistas, oparadoris e moderadoris ant nau cosas de importu mannu. Apu chistionau cun unas cantas personis asuba de custu tema e aterus problemas cara a cara.

S’arrespostas de S’Ofitizu po sa Lingua Sarda?

Po su chi pertocat a mei, apu sceti biu unu diretori chsitionedi, ma narrendi nudda. At mentovadu pruschetotu is amigus suus unas cantas bortas e is progetus de issus.

Is media de comunicatzioni ca funtzionant, segundu issu funt is cosas ca bessint in LSC e “po” sa LSC: 1. Eja! e Papiros, 2. Lacanas, 3. Logo Sardigna.

Ok, Lacanas no imperat sa LSC e custu est bonu poita nci scriint personis de donnia logu. Speru ca abarrat diaici. Perou medas bortas agataus articuleddus de su diretori.

Po su chi pertocat sa calidadi, pensu ca apu intesu chi segundu su diretori una solutzioni podit essi de certificai custas calidadis faendi cursus de formatzioni? Chini dd’at a fai? Cumenti?

No ddu sciu, fortzis apu postu unu pagu de impressionis mias, ma pensu ca s’unicu scopu de totu custus atobius est de fai publicitadi po sa LSC e de si fai puligas mentalis unu Baroni a s’ateru. Is frasias inghitzant semperi: “Cumenti at giai nau s’amigu Baroni …”

Candu ses cun sa LSC, su dinai nci est, candu no ses de acordiu, dinai no nci est.

Sicomenti sa LSC est pruschetotu una cosa scrita, is media oralis no tenit peruna chance e si ndi depint circai is francus in ateru logus.

Segungu mei, is personis prus de importu in totu s’allega funt is giovanus musicistas, is Dj, is grupus musicalis e is giovanus ca faint programas ponendi cussa genia de musica e faendi interbistas cun cussus giovanus in sardu.

Seu stetia in una pariga de cuncertus e apu ligiu in is blogs, apu biu is videos. Sa cosa ca mi praxit est ca is giovanus s’ant a ligi is testus in sardu de cussus grupus e ddos conoscint e ddos cantant e ddos sighint in sa retza.

Asuba custu no apu mai ligiu unu cumentu de is Baronis de sa lingua sarda. Po ita? Po ita custas cosas no funt in LSC? Ma is Baronis tenint timori ca carchi d-unu aforas de sa grefa insoru inghitzat de fai sa lingua sarda?

Chi mi seu sballiendi podit essi puru, perou custa est s’impressioni cosa mia.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...